ടോക്കിയോ: ബോക്സിങ്ങില് ഇന്ത്യയ്ക്ക് വെങ്കല മെഡൽ. ബോക്സിങ് വനിതായിനത്തിൽ ലൊവ്ലിന ബോര്ഗൊ ഹെയ്നാണ് ഇന്ത്യയ്ക്ക് വേണ്ടി വെങ്കല മെഡല് സ്വന്തമാക്കിയത്. വനിതകളുടെ വെല്റ്റര് വെയ്റ്റ് വിഭാഗത്തിലാണ് ലൊവ്ലിനക്ക് മെഡല് ലഭിച്ചത്. സെമി ഫൈനലില് ലോക ഒന്നാം നമ്പര് താരമായ തുര്ക്കിയുടെ ബുസെനാസ് സുര്മെലെനിയോട് തോല്വി വാങ്ങിയതോടെ ലവ്ലിന വെങ്കലമെഡല് ഉറപ്പിച്ചു. ആദ്യമായി ഒളിമ്പിക്സില് പങ്കെടുക്കുന്ന ലവ്ലിനയ്ക്കെതിരേ പരിചയ സമ്പത്തിന്റെ കരുത്തിലാണ് തുര്ക്കി താരം വിജയം സ്വന്തമാക്കിയത്.
വിജേന്ദര് സിങ്ങിനും (2008) മേരി കോമിനും (2012) ശേഷം ബോക്സിങ്ങില് ഇന്ത്യയ്ക്ക് വേണ്ടി മെഡല് നേടുന്ന താരം എന്ന ബഹുമതി ലവ്ലിന സ്വന്തമാക്കി. മേരി കോമിന് ശേഷം ഈ നേട്ടം കൈവരിക്കുന്ന ആദ്യ വനിത കൂടിയാണ് ലവ്ലിന. മത്സരത്തിന്റെ ഒരു ഘട്ടത്തില് പോലും ലവ്ലിനയ്ക്ക് ആധിപത്യം പുലര്ത്താനായില്ല. വിജയിച്ചിരുന്നെങ്കില് ഇന്ത്യയ്ക്ക് വേണ്ടി ബോക്സിങ്ങില് ഒളിമ്പിക്സില് ഫൈനല് കളിക്കുന്ന ആദ്യ താരം എന്ന നേട്ടം സ്വന്തമാക്കാന് ലവ്ലിനയ്ക്ക് കഴിയുമായിരുന്നു. ലോക ചാമ്പ്യന്ഷിപ്പില് രണ്ടുവട്ടം വെങ്കലം നേടിയിട്ടുള്ള ലവ്ലിന ബോര്ഗോഹെയ്ന് അസം സ്വദേശിനിയാണ്. അസമില്നിന്ന് ഒളിമ്പിക്സിന് യോഗ്യത നേടുന്ന ആദ്യ വനിതയാണ് ലാവ്ലിന
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
